Debatea eta partaidetza

Donostiaren hautagaitza kultur proiektua hasieratik egon da eztabaidara irekia. Ideia berriak jaso eta hiritarrak sartzeko xedeaz, gonbidaturiko espezialistekin aurrez antolaturiko bilerak antolatzen dira beraien experientzia eta iritzia emateko, komunitate bilerak ere egiten dira hiri kolektiboekin.

Proiektu kulturalaren parte-hartze prozesua azaltzeko jardunaldia. Martxoak 17-18.

Markel Olano Gipuzkoako Diputatu Nagusiak, Odón Elorza Donostiako alkateak eta Edorta Azpiazu 2016 Hautagaitzaren Bulegoko zuzendariak Ateak Irekitzeko Eguna aurkeztu zuten joan den martxoaren 17an, Victoria Eugenia antzokian, Europako Kultur Hiriburua izateko hautagaitzari lotutako parte-hartze prozesuaren inguruan.

Europa eta Hiriburutza euskara abiapuntu. Martxoak 11.

2009ko martxoaren 11n, Victoria Eugenia antzokian, 2016ko Hautagaitzaren Bulegoak, Euskara Patronatuarekin batera, jardunaldi batzuk antolatu zituen. Jardunaldion helburua izan zen euskarari eta hizkuntza minorizatuei buruzko proposamenak aztertzea halako proiektu baten ikuspegitik. Jardunaldia sartuta dago Hautagaitzaren Bulegoak Donostia, 2016ko Europako Kulturaren Hiriburua proiektuaren ardatzak eta indar ideiak definitzeko antolaturiko bilera sortan.
 

Parte-hartze prozesua

Bulegoa hainbat komunitate bilera egiten ari da, elkarte, kontseilu, sektore eta partikularrekin, 2008ko irailaz geroztik, herritarrak konprometitu daitezen ezarritako helburuarekin. Denon iritzi eta esperientziari esker, Donostia 2016 proiektuaren ideia eta trakzio-ardatzak sortuko ditugu.

Europa Kultur Hiriburuak: atzo, gaur eta bihar. Azaroak 19.

Donostiako Plan Estrategikoak, 2016ko Donostia Kultur Hiriburuko Bulegoarekin elkarlanean, Europako Kultur Hiriburu izan diren, edo izango diren bost hiriren proposamenei eta kultur programei eskainitako jardunaldi bat antolatu zuen.

Topaketa azaroak 19, asteazkenean egin zen Donostiako Udaleko Udalbatza Aretoan eta Compostela, Avignon (2000. urtean Europako Kultur Hiriburua), Linz (2009an Europako Kultur Hiriburua izango da), Luxenburgo (2007an Europako Kultur Hiriburua) eta Grazeko (2003an Europako Europako Kultur Hiriburua) ordezkariek hartu zuten parte.

Donostia 2016an hiriburu kultural izateko murgilduta dagoen prozesuaren ardatz nagusiaren irizpideak ezartzea helburu duen topaketa honetan.

Donostia 2016 kandidaturari buruzko I. elkarraldiak. Irailak 29-30.

Donostia 2016 kandidaturari buruzko lehenengo elkarraldiak 2008ko irailaren amairen ospatu ziren Victoria Eugenia antzokian.

Lau txosten aurkeztu eta hainbat mahai inguru egin ziren, Hautagaitzaren kultura-proiektuak izan ditzakeen edukiez ideia-jasa egin ahal izateko.