Europa Hiriburutza

Europar Batasunaren ekimena da, Europako herrien arteko hurbiltasunean eta elkartrukean laguntzekoa. Hiru helburu hauek ditu:
 

• Europako kulturen aberastasuna, askotarikotasuna eta ezaugarri komunak nabarmentzea.
• Europarrek elkar hobeto ezagutzea sustatzea.
• Europako Erkidego bereko kide izateaz jabetzen laguntzea.

Zein ondorio nabarmen du izendatutako hiriarentzat?

 
Hautagaitza prestatze hutsak aukera ematen du hiria, haren lurraldea eta beste hiri eta herri europarrekiko aliantzak aztertzeko eta haien gaineko ikuspegi berri bat berreratzeko.
Aukeraturiko hiriek izendapena erabili ohi dute kultur garapeneko, gizarte kohesioko edo kontzientzia europarreko proiektu estrategiko eta sostengagarriak bultzatzeko.
Europar Batasunak diruz laguntzen die kulturaren europar hiriburuei kulturako marko programaren bitartez.

Noiztik dugu Europan Europar Hiriburutza?

Urtean-urtean zenbat hiri izendatzen duten Kulturaren Europar Hiriburu eta halakoak aukeratzeko irizpideak gorabehera, 1985. urtetik aurrera etengabe izendatu dituzte kulturaren hiriburutza eskuratzen duten hiriak. Lehen kulturaren europar hiriburua Atenas izan zen.

Zein dira Kulturaren Europar Hiriburuak 2010. urtean?

Essen eta Ruhr eskualdea (Alemania), Istanbul (Turkia) eta Pécs (Hungaria) egun guztiz murgilduta daude 2009ko Kulturaren Europar Hiriburu izatea ospatzen, sorta zabal bat ekintza dela bide: musika, dantza, antzerkia, zinemaldiak, jaialdi alternatiboak, erakusketak, arte erakustaldiak, hitzaldiak, aire zabaleko ekimenak eta abar.

Zergatik aurkeztuko du Donostiak 2016rako hautagaitza?

Gainera, kandidatura bera eta europar hiriburu izatea bakea irabazteko tresna garrantzitsuak lirateke, Donostia erreferentziako hiria izan dadin Europan bake kulturaren alorreko proiektuengatik. Donostiarron ustez, kandidatura hau lantegi garrantzitsua da hiri moduan sendotu ahal izateari begira. Hiriak une garrantzizkoa ari da zeharkatzen baliabide dituela Kursaal handitzea, San Telmo museoa berritzea, Tabakalera, Akuarioko bigarren fasea, Jazzaldia, Publizitate Zinemaldia, Nazioarteko Zinemaldia, Musika Hamabostaldia, Giza eskubideen Zinemaldia, Fantasiazko eta Beldurrezko Zinema Astea; haien bitartez Donostia erreferente izan baitaiteke kulturaren europar hiriburu moduan.

Zein dira hautagaitza faseak eta aukeratze prozesuko datarik erabakigarrienak?

• 2009. urtearen amaieran Espainiako Gobernuak hiriburu izangaiek era ofizialean izena emateko oinarriak argitaratuko ditu.
• Egun horretara arte ez da izangai ofizialik izaten, aurkezteko "asmoa azaldutako hiriak" baino.
• Hiri izangaiek urterako aurreproiektua aurkeztuko dute, 2010eko urria baino arinago aurkeztu behar dutena.
• 2010aren amaieran, lau hiriburu aurrez aukeratzen dituzte, azken fasera igarotzeko.
• Aurrez aukeraturiko hiriok behin betiko egitasmoa aurkeztu beharko dute 2011ko urrirako.
• 2011. urtearen amaieran 2016rako Kulturaren Europar Hiriburua zein den erabakiko dute.
• 2012an era ofizialean izendatuko dute aukeraturiko hiria.

Espainian izangai eta izendatuak izandako hiriak

18 dira izangaiok: Alcala de Henares, Asturias, Burgos, Caceres, Cordoba, Cuenca, Donostia, Malaga, Murcia, Palma de Mallorca eta Balearrak, Iruña, Santander, Segovia, Tarragona, Tenerife, Valencia, Zaragoza eta Kanaria Handiko Las Palmas.

Honako hiru hiri espainiar izan dira Kulturaren Europar Hiriburu: Madril (1992), Santiago de Compostela (2000) eta Salamanca (2002).

Nola parte har dezaket?

Web orrian izena emanda edo beheko helbideko bulegoan daukazun informazio foiletoko fitxa beteta: Erregina Erregentea, 8, behea (Victoria Eugenia antzokia), 2003, Donostia.