Europa Kultur Hiriburuak: atzo, gaur eta bihar. Azaroak 19.

Azaroak 19an Donostiako Udaleko Udalbatza Aretoan, Donostiako Plan Estrategikoaren VIII. Topaketak egin ziren. Donostia 2016ren hiriburutzarako kandidatura, jardunaldiaren mamia izan zen, jada Europako Kultur Hiriburu izan diren edo laster izango diren hirietako arduradun nagusien presentziarekin, Santiago, Linz eta Graz (Austria), Avignon (Frantzia) eta Luxenburgo (Luxenburgo).

Jardunaldi honen inguruan piztutako interesa, bereziki goizekoan, Udalbatza Aretoa leporaino bete zenean islatu zen. Markel Olano, Gipuzkoako Diputatu Nagusia, Rafaela Romero, Batzar Nagusietako presidentea, Cristina Uriarte, Donostiako Plan Estrategikoko Batzorde Delegatuko presidentearekin batera eta Marisol Garmendia Donostiako Udaleko Presidentziako zinegotzi-delegatua ere, topaketan izan ziren eta aho batez adierazi zuten hiriarentzat eta lurralde historikoarentzat 2016ko Europako Kultur Hiriburu izatearen aldeko apustuak duen garrantzia.

Kepa Korta, Donostiako Plan Estrategikoko zuzendari-koordinatzaileak eta Edorta Azpiazu, Donostia 2016ko Hiriburutzarako bulegoko arduradunak, Donostiako Udaletxeko Udalbatza aretoan ehun pertsonatik gora bildu zituen jardunaldi honetako moderatzaile lanak egin zituzten.

Txostenak